Do t’i nxjerrin nga hotelet, banorët e Thumanës hyjnë në grevë urie, refuzojnë ushqimin

Banorët e Thumanës, të cilat pas tërmetit shkatërrimtar të 26 nëntorit u strehuan në hotelet e Shëngjinit, ditën e sotme kanë refuzuar ushqimin në shenjë proteste.

Ky veprim vjen menjëherë pasi atyre u është komunikuar vendimi se afati i fundit për qëndrimin e tyre në këto hotele është deri më 3 janar, ndërsa më pas banorët do të strehohen nëpër banesa me qira.

Por për ta ky afat nuk është i mjaftueshëm, pasi në këtë periudhë është e vështirë gjetja sipas tyre e banesave me qira.

Kujtojmë se tërmeti i 26 nëntorit përveç 51 viktimave, shkaktoi plagosjen e mbi 700 personave si dhe shembi qindra banesa. Vetëm në Thumanë humbën jetën 24.