Do shemben 2 objekte me shpërthim të kontrolluar, ja kur do të bllokohet autostrada Tiranë-Durrës

Ministria e Mbrojtjes ka njoftuar se efektivët e Batalionit të Xhenios së Forcave të Armatosura po vijojnë punën për shembjen e kontrolluar të 2 objekteve 5 katësh në Shkozet.

Këto objekte tashmë janë klasifikuar të pabanueshëm nga ekspertet dhe janë caktuar se do të shemben.

“Ditën e sotme 4 dhjetor 2019, efektivët e Batalionit të Xhenios të Forcave të Armatosura po punojnë për shembjen e kontrolluar të 2 objekteve 5-katësh në Shkozet, të klasifikuar si të pabanueshëm nga ekspertët dhe të caktuar për t’u shembur.

Shembja e kontrolluar e objektit të parë është parashikuar të ekzekutohet sot rreth orës 15.00.

Për kohën e shembjes së objektit të dytë, do të njoftoheni më vonë gjate dites”, thuhet në njoftimin e ministrisë.