LIGJET E BIZNESIT
Gjykata ka shpallur ditën e sotme fajtor për korrupsion ish-kryeministrin kroat Ivo Sanader dhe shefin e grupit energjetik hungarez MOL Zsolt Hernadi. Hernadi, u shpall fajtor për dhënie të 10 mln euro ryshfet në 2008-tën Sanaderit që drejtonte asokohe ekzekutivin e vendit.
Të dy ata kanë marrë dënime me 6 vjet heqje lirie ndonëse asnjëri nuk ishte I pranishëm në gjykatë. Vendimi nuk është final dhe mund të apelohet. Kryetari i Gjykatës, Ivan Turudic u shpreh se “ka një urdhër-arrest europian aktiv për Hernadin dhe Hungaria duhet të veprojë në bazë të tij”. Kjo e fundit ka refuzuar ta zbatojë urdhër-arrestin ndërkombëtar të Interpolit. Hernadi dhe Sanaderi, I cili mbajti postin e kryeministrit në Kroaci që nga viti 2003 deri në 2009, i kanë mohuar akuzat e kësaj cështjeje që fillimisht u zbulua nga agjencia kroate anti-korrupsion.
Kujtojmë që kjo çështje ka pothuajse një dekadë që zvarritet dhe vetëm ditën e sotme ka marrë fund.
