Detaje të rënda nga Sukthi/ Ja kush është i plagosuri që i sulmuan dhe biznesin në 2016-tën

Një ngjarje e rëndë ka ndodhur në Sukth, ku pas një sherri mes disa personave, dy prej tyre kanë mbetur të plagosur me thikë.

Burime bëjnë me dije se njëri nga të plagosurit është kreu i njësisë administrative Sukth Rrapo Osmani, ndërsa personi tjetër një 21-vjeçar.

Ky nuk është rasti i parë kur Osmani përfshihet në një konflikt, pasi dhe në vitin 2016 ndaj biznesit të tij është qëlluar me breshëri armësh, por që kaloi pa pasoja.

Sipas policisë, shkak është bërë një konflikt i çastit, ndërsa të dy personat ndodhen në spital jashtë rrezikut për jetën.

Nuk dihen ende rrethanat e ngjarjes së rëndë, dhe as shkaku i konfliktit mes personave të plagosur.

Njoftimi i policisë:

Më datë 31.12.2019, në Sukth, si pasojë e një konflikti të çastit,  janë plagosur me mjet prerës (thikë) shtetasit  Rr.O., 40 vjeç dhe K.O., 21 vjeç, të cilët ndodhen në spital nën kujdesin e mjekëve jashtë rrezikut për jetën.

Nga veprimet  e para hetimore dyshohet se autor i kësaj ngjarje është shtetasi A.M., i cili është shpallur në kërkim dhe  po punohet për kapjen e tij.