LIGJET E BIZNESIT
Detaje të reja kanë dalë nga shpërthimi i fuqishëm në zyrën e Bashkisë që tronditi Lushnjen paraditen e sotme.
Dyshohet se autori i atentatit ku mbeti i plagosur kryebashkiaku Fatos Tushe së bashku me sekretaren e tij Erisa Qalliu, është ish-shoferi i Bashkisë së Lushnjes Gëzim Saraci.
Mësohet se ai e ka vendosur një granatë poshtë derës, dhe në momentin që Fatos Tushe ka hapur derën e zyrës ka ndodhur edhe shpërthimi.
Sipas informacioneve paraprake Gëzim Saraci ka pasur debate të forta me Tushen pasi ky i fundit e kishte hequr nga puna.
Ngjarja e rëndë ndodhi rreth orës 08.00 të mëngjesit të sotëm.
Ndërkohë që në Lushnje është nisur edhe drejtori i Përgjithshëm i Policisë Ardi Veliu si dhe ekspertë të tjerë të Policisë Kriminale.
Kryebashkiaku Fatos Tushe dhe sekretarja e tij Erisa Qalliu janë shtruar në spital ku ndodhen jashtë rrezikut për jetën.
