Ditën e sotme është bërë dhe kallëzimi i parë penal në Prokurorinë e Posacme kundër korrupsionit dhe krimit të organizuar.
Ka qenë Nisma Thurje, e cila ka depozituar një kallëzim për koncesionin e sterilizimit të pajisjeve kirurgjikale.
Endri Shabani në një deklaratë për mediat pas dorëzimit të kallëzimit tha se besojnë tek institucionet e reja të drejtësisë.
“Në 30 vjet janë dënuar vetëm qytetarët shqiptarë. Në 30 vjet ka pasur një sistem që ka punuar për zyrtarët. Jemi para një epoke të re, besojmë se institucionet e reja. Sot kemi ardhur për t’i kërkuar prokurorisë që ta justifikojë besimin tonë”, tha ai.
Objekti i kallëzimit penal është për zytarët publik të përfshirë në konçesionin e sterilizimit të pajisjeve kirurgjikale, të cilët sipas Nismës mund të kenë konsumuar veprat e parashikuara në Kodin Penal për shpërdorimin e detyrës, shkeljen e barazinë së pjesëmarrjes në tendera dhe/ose korrupsionin pasiv duke përdorur pushtetin publik për përfitime private.
Në kallëzim thuhet se Nisma ka dyshime për nevojën e marrjes së këtij shërbimi nga një palë e tretë në kushtet kur ai kryhej prej dekadash nga vetë spitalet publike.
Dyshimi tjetër lidhet procedurat e dhënies së këtij shërbimi me koncesion.
