LIGJET E BIZNESIT
Edhe për studentët e degës së Inxhinierisë në Universitetin Politeknik të Tiranës mësimi do të fillojë më 6 janar 2020.
Ashtu si edhe në Universitetin e Shkencave Mjekësore, ky proces u shty për shkak të gjendjes së jashtëzakonshme dhe dëmtimet në godina që solli tërmeti i fuqishëm i 26 nëntorit.
Sipas raportimeve në pesë katet e ndërtesës së Fakultetit të Inxhinierisë ka dëmtime dhe përbën rrezik për studentët.
Krisjet janë të dukshme dhe faqet e murit janë plasaritur.
Ndërsa në fakultetet e tjera të Universitetit të Politeknikut mësimi do të nisë më 16 dhjetor.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ndërtesa është vlerësuar si e rrezikshme për të nisur mësimi dhe pritet të kryhen ekspertime të tjera për të bërë ndërhyrjet e nevojshme.
Gjithashtu edhe në Fakultetin e Shkencave Mjekësore situata është problematike.
Rektori mori vendimin që studentët mos të hyjnë brenda deri më datë 6 janar.
Studentët e Universitetit të Tiranës e kanë nisur procesin mësimor që me datë 10 dhjetor dhe me shumë mundësi do të zëvendësohen orët e humbura për shkak të tërmetit.
