Pas tërmetit të fuqishëm të 26 nëntorit me magnitudë 6.4 ballë që goditi Shqipërinë, ka dalë dhe shifra e paslëkundjeve.

Mësohet se deri më tani janë regjistruar 1376 pasgoditje.

Shifra është bërë publike nga Ministria e Mbrojtjes.

Nga ana tjetër mëngjesin e sotëm, nga ora 07:00 e deri më tani janë regjistruar 5 lëkundje dhe dy janë të lokalizuara.

Pas tërmetit 6.4 ballë të 26 nëntorit, i cilësuar si më i forti në 40 vitet e fundit, Shqipëria e ka kaluar situatën më të vështirë.

Ekspertë e sizmiologë janë shprehur se situata më e keqe ka kaluar dhe toka po i kthehet normalitetit.

Sipas tyre, pasgoditjet e tërmetit të madh, janë krejt normale.

Kujtojmë se tërmeti shkatërrimtar shkaktoi gjithsej 51 viktima dhe mbi 900 të plagosur dhe qindra banesa janë jashtë funksionit ose të dëmtuara dhe për pasojë shumë familje janë tashmë pastrehë.