Ç’po ndodh në Shkodër? Renea ‘blindon’ qytetin për herë të dytë brenda javës

Forcat RENEA kanë zbarkuar edhe ditën e sotme në qytetin e Shkodrës.

Burime pranë Policisë së shtetit bëjnë me dije se ky aksion po zhvillohet në vijim të operacionit kundër paligjshmërisë për të goditur strukturat kriminale në vend.

Në fokus të këtij operacioni mësohet se janë personat që kanë rrezikshmëri të lartë shoqërore, ata që janë shpallur në kërkim dhe që deri tani i janë shmangur drejtësisë.

Në orët në vijim pritet të dalin detaje të metejshme rreth aksionit të forcave RENEA dhe policisë së Shkodrës, që ka ‘blinduar’ qytetin verior për të dytën herë brenda javës.

Kujtojmë që disa ditë më parë, më 15 dhjetor RENEA dhe Policia e Shkodrës kanë zhvilluar një tjetër operacion të rendësishëm në disa lokale dhe lojëra fati, ku u arrestuan 3 persona.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Gjithashtu u shoqëruan 10 persona të tjerë si dhe u sekuestrua dhe një sasi lëndësh narkotike.

Operacioni nisi në disa zona, kryesisht një pjesë e kontrolleve u kryen në lagjen Kiras.