Elida ishte gruaja që u bë e njohur me historinë e saj në programin “Dua të të bëj të lumtur.”
Por së fundmi emri i saj do të jetë sërish protagonist në media, pasi deklarata e saj në emisionin “Historia ime” ngjalli mjaft debate në opinionin publik.
Ajo dhe bashkëshorti i saj deklaruan se kishin shkuar me një marrëveshje mes tyre për të marrë ushqime falas dhe pagesën e qerasë për dy muaj.
Pjesë nga biseda tek emisioni “Historia ime”:
Elida: Emisioni që është bërë herën tjetër është bërë me dijeni të Arianit. Sepse na kanë paguar 2 muaj qira dhe na kanë sjellë për 3 muaj ushqime në shtëpi. Elida ka qenë më Francë, në Greqi, Gjermani, Kosovë gjithandej ka punuar Elida për shtëpinë. Ariani di të luajë dhe raki, nuk punonte Ariani..
Mirela Milori: Më fal, ke gënjyer tek ai emisioni tjetër?
Elida: Po është e vërtetë, kam gënjyer sepse kam rënë në komplot me Arianin që kemi dalë në atë emision, nuk ka qenë suprizë për Arianin. Thjesht që të merrja, të paguaja dy muaj qira edhe ushqime që më kanë sjellë në shtëpi.
Në lidhje me këtë fakt ka ardhur dhe reagimi i moderatores së programit “Dua të të bëj të lumtur” Arbana Osmani.
Ajo ka publikuar në Instastory deklaratën e emisionit në të cilën thuhet se cifti ka nënshkruar një deklaratë ku marrin përgjegjësi të plotë për atë që kanë thënë.
“Programi nuk mundet dhe as nuk synon të zëvendësojë organet shtetërore nën hetimin, ndjekjen dhe përgjegjësinë për deklaratat publike të qytetarëve”, thuhet ndër të tjera në deklaratë.
