LIGJET E BIZNESIT
Pak minuta më parë, në ambientet e Teatrit Kombëtar është ndalur kryetari i Partisë Demokratike, Lulzim Basha.
Ai ka takuar artistët që prej muajsh të tërë, kanë dalë në mbrojtje të godinës. Gjatë fjalës së tij, Basha iu shprehu falenderime artistëve për ndihmën dhe angazhimin e deritanishëm për banorët e prekur nga tërmeti.
Ai u ndal edhe tek “lufta” mes qeverisë dhe artistëve për të shembur godinën e Teatrit Kombëtar. Sipas liderit demokrat, ky tërmet i fuqishëm e nxori lakuriq qeverinë që deklaronte se teatri rrezikonte shembjen.
“Ju jeni monument i solidaritet dhe qëndresës. Opozita si ndihet? Unë ndihme shumë mirënjohës ndaj jush. Ju e nxorët atë lakuriq. Ai tha se tërmeti do të rrezohej teatrin, por ja ku është. Unë po vijë nga zona në fshat, ku banorët janë lënë në mëshirë të fatit. Është shkatërruar një shtet i tërë, e pamë se si i la efektivët tanë me duar zbuluar duke gërmuar.
Ky teatër rrëzoi qeverinë e kartonit. Ndej keqardhje ndaj atyre njerëzve që kemi lënë ashtu, pas tërmetit. Teatri dhe Astiri janë dy monumentet e rezistencës. Ju në një ditë të zezë të vendit, ditët se si të tregonit se sa të madhe e keni zemrën. Aktet tuaja flasin vetë. Ndihma juaj ka bërë diferencën. Ju faleminderit nga zemra, që e keni zemrën kaq të madhe. Kjo tregon se shteti prej kartoni u shemb, ndërsa ne jemi një komb, të gjithë bashkë, pa dallime partiake jemi bashkuar”, tha Lulzim Basha.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
