LIGJET E BIZNESIT
Vijojnë të dalin detaje të reja në lidhje me atëntatin që tronditi Lushnjen, mëngjesin e sotëm, ku si pasojë e një shpërthimi granate, mbeti i plagosur kryebashkiaku Fatos Tushe dhe sekretarja e tij Erisa Qalliu.
Kjo e fundit është dërguar drejt spitalit të Traumës për një mjekim më të specializuar.
Mësohet se ka marë dëmtime në krah dhe në shpatull dhe ndodhet në gjendje më të rëndë shëndetësore.
Ndërkohë Fatos Tushe është më i stabilizuar dhe jashtë rrezikpër jetën.
Sekretarja e Bashkisë së Lushnjes Erisa Qalliu që shikoni në foto është nënë e një fëmije.
Mësohet se autori i atentatit është ish-shoferi i Tushes Gëzim Saraçi, i cili ka vendosur një granatë në zyrën e kryebashkiakut, pasi prej kohësh ishin në një konflikt së bashku.
Fillimisht ish-shoferi është ngjitur normalisht në zyrën e kryebashkiakut.
Aty ka nisur të debatojë me sekretaren dhe më pas kryebashkiaku ka dëgjuar të gjithë sherrin sepse sekretarja nuk e ka lejuar ish-shoferin të hynte në zyrën e kryetarit, i cili e ka hedhur granatën në tension e sipër.
Në momentin që Tushe ka dalë nga zyra, granata ka shpërthyer, duke e plagosur së bashku me sekretaren.
Aktualisht është ndërprerë i gjithë aktiviteti në Bashkinë e Lushnjes dhe policia së bashku me grupi hetimor po punon për zbardhjen e plotë të rrethanave të ngjarjes së rëndë.
