Aksident masiv në dalje të Tiranës, përplasen 3 makina, njëra kthehet përmbys (FOTO)

Një aksident masiv ka ndodhur paraditën e sotme në Unazën e Re, në aksin nga Sauku drejt Tiranës.

Mësohet se tre automjete janë përplasur me njëra-tjetrën.

Si pasojë e përplasjes, një prej automjeteve është kthyer përmbys.

Ndërsa dy të tjerët kanë pësuar më pak dëme.

Sipas informacionit paraprak, nuk ka të plagosur nga ky aksident por vetëm të lënduar lehtë.

Policia dhe grupi hetimor kanë mbërritur në vendngjarje dhe po hetojnë për zbardhjen e rrethanave dhe shkaqeve të aksidentit.