Aksident i rëndë/ Përplasen dy makina, 4 të plagosur me urgjencë në spital (FOTO)

Një aksident i rëndë ka ndodhur sot në Maliq.

Sipas informacionit të policisë, ngjarja ndodhi në aksin rrugor Korçë- Pogradec, pranë zonës së quajtur “Kryqëzimi i Maliqit” , ku mësohet se janë përplasur një mjet tip “Peugeot” me drejtues shtetasin G.D me mjetin tip Volkswagen me drejtuese shtetasen B.K.

Si pasojë e aksidentit kanë mbetur të plagosur 4 persona, dy shoferët dhe dy pasagjerët në mjetin tip “Peugeot”, shtetasi B.B dhe shtetasja S.B, të cilët janë transportuar me urgjencë për në spitalin e Korçës.

Policia dhe grupi hetimor kanë mbërritur në vendngjarje dhe po punojnë për zbardhjen e plotë të shkaqeve dhe rrethanave të aksidentit.