Aksident/ Del nga rruga autobuzi i linjës Tiranë-Athinë, plagosen 2 shoferët

Një aksident rrugor ka ndodhur gjatë natës që sapo lamë pas.

Mësohet se në aksin rrugor Memaliaj-Tepelenë në vendin e quajtur Ura e Bëncës, një autobus i linjës Tiranë-Athinë ka dalë nga rruga dhe ka përfunduar në kanal.

Sipas informacioneve autobuzi me targa greke ka qenë bosh, pasi po nisej drejt Athinës për të marrë pasagjerë.

Si pasojë e aksidentit janë plagosur dy shoferët e autobuzit, të cilët janë dërguar në spital për të marrë mjekimin e nevojshëm dhe ndodhen jashtë rrezikut për jetën.

Policia ka mbërritur në vendngjarje dhe po heton për zbardhjen e rrethanave dhe shkaqeve të aksidentit.