Kryeministri Edi Rama ka vizituar sot kryefamiljarin nga Durrësi Ajet Meçja, i cili humbi vajzën, gruan dhe mbesën nga tërmeti shkatërrimtar 6.4 ballë i 26 nëntorit.
Ndër të tjera Ajet Mecja ka rrëfyer edhe momentet e përjetuara të tmerrit.
Ai ka treguar se vajza Diena dhe mbesa Esiela, erdhën në pallatin 6 katësh që ata banonin për të qenë më të sigurta por humbën jetën nën rrënoja gjatë 30 sekondave fatale të tërmetit.
“Pse mbyllja ishte e ashpër per mua, të të ikin keshtu, fati i keq qe që edhe i biri i vdiq para 5 vitesh, u shua, nuk e di pse kaq keq, pse kaq keq.
Vajza më thotë ka rënë tërmet të vijë edhe unë aty, unë isha te pallati ku jetonte Edison Konomit, dhe mendoja e kanë bërë edhe për vete, eshte i sigurt. Unë fjeta në dhomën me ballkon, vajzat te krevati dopjo, gruaja tha po fle në kuzhinë që të dalim shpejt, nga ora 4 ra ai tërmeti i madh, ulërinte shumë mbesa, nuk pata mundësi të dilja se u bllokua dera e dhomës, pasi u tund, bëri goditje lart poshtë, ranë mbi mua internet po qe hapësira 30 cm, nuk shtyhej, dola nga kartonxhesi, ai ishte thyer, kam hyrë dhe dal në pallatin tjetër që i ishte shembur garazhi, dola zvarrë. Pyet ku është pallati, gjithçka kishte rënë. Roza, Diena, vajza e vogël brenda. Vajza thoshte babi shpëtomëni këtu jam, mamin nuk e shoh. Time shoqe e kishte goditur me të parën si duket”, rrëfeu i përlotur Ajeti.
Ndërkohë kryeministri e ka ngushëlluar kryefamiljarin për dhimbjen e madhe dhe është shprehur se qeveria do qëndrojë afër dhe do të bëjë maksimumin edhe për t’i mbështetur financiarisht këto familje.
“Njeriu për njeriun është ose burim shqetësimesh ose burim ngushëllimi. Si mund të zgjidhet halli, por detyra për t’ia qarë hallin është shumë herë më e madhe se hallet e përditshme. Gjyshja ime thoshte vdekja zgjedh e nuk pyet për radhë. Shpesh herë zgjedh më të mirët. Ajo që na mbetet ne, është të jemi afër dhe të bëjmë maksimumin. Kemi marrë dhe masat e mbështetjes financiare momentale.”, tha kryeministri.
