Zbulohet forca e pestë e natyrës, zbulimi që ndryshon funksionimin e universit

Shkencëtarët pretendojnë se ata kanë vëzhguar një forcë të pestë të natyrës që mund të transformojë të kuptuarit tonë se si funksionon universi.

Studiuesit në Akademinë Hungareze të Shkencave kanë zbuluar rezultate që mund ta tregojnë atë në veprim. Ata panë një atom heliumi që lëshon dritë kur grimcat ndahen në një mënyrë të çuditshme që nuk mund të shpjegohet nga kuptimi aktual i fizikës.

Ishte hera e dytë që shkencëtari kryesor Attila Krasznahorkay dhe ekipi i tij kishin parë grimcën e re që ata e quanin X17.

Ata gjetën që masa e saj të ishte 17 megaelectronvolts, ndersa Krasznahorkay tha: ‘X17 mund të jetë një grimcë, e cila lidh botën tonë të dukshme me materien e errët’.

Zbulimi vjen tre vjet pasi skuadra hungareze vuri re një anomali në shperthimin radioaktive, duke sugjeruar ekzistencën e një grimce të re.

Nëse provat e tyre rezultojnë të sakta, zbulimi mund të ndryshjë plotësisht kuptimin tonë se si funksionon universi.

Modeli aktual i punës i fizikës thotë se ekzistojnë katër forca themelore të natyrës: graviteti, elektromagnetizmi dhe forcat e dobëta dhe të forta midis atomeve.

Eksperimenti i vitit 2016 nga Z. Krasznahorkay dhe ekipi i tij i fizikanëve sugjeroi se ekzistonte një forcë tjetër. Ata pretendojnë se kjo mund të ndihmojë në shpjegimin e pamundësisë së modelit standard të fizikës së grimcave për të shpjeguar lëndën e errët.

Lënda e errët është substancë e padukshme që mendohet të përbëjë më shumë se 80 përqind të masës së universit.