Vrasja e teknikut të kondicionerit në Tiranë, vetëdorëzohet në polici një nga vëllezërit Kusi

Ditën e sotme, pas 4 muajsh në arrati mësohet se është vetëdorëzuar në polici 31-vjeçari Griseldo Kusi.

Kusi akuzohet si bashkëpunëtor në vrasjen e teknikut të kondicionerëve në Tiranë, Indrit Çelaj.

Dy vëllezërit Griseldo dhe Albano Kusi janë shpallur në kërkim nga policia e Tiranës, pas vrasjes që tronditi kryeqytetin më 22 gusht të këtij viti.

Ngjarja e rëndë ndodhi në rrugën “Myslym Shyri” ku 26-vjeçari Indrit Çelaj u qëllua me një plumb në kokë, teksa po punonte në shtëpinë e autorëve për të montuar një kondicioner.

Dyshohet se autor i vrasjes është Alban Kusi ndërsa Griseldo që është vetëdorëzuar sot në polici ka ndihmuar vëllain në realizimin e krimit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern