VIDEO/ Nuk përdori shkallët, rrëzohet keq Angela Merkel

Një ngjarje e sikletshme i ka ndodhur kancelares gjermane, Angela Merkel. Ajo është rrëzuar teksa po bëhej gati të ngjitej në skenë pranë foltores.

Gruaja e hekurt u përpoq ta kalonte me humor këtë situatë duke thënë: “Herën tjetër do të përdor shkallët”.

Merkel besoi se mund të ngjitej në skenë pa përdorur shkallët, por që në fund rezultoi se skena ishte shumë e lartë për të, duke e bërë që të humbiste për një çast ekuilibrin.

Kujtojmë se kancelarja gjermane gjatë muajve të fundit është detyruar në disa raste të qëndrojë e ulur gjatë këndimit të himnit, për shkak të problemeve shëndetësore.