Një ngjarje e rëndë ka ndodhur mbrëmjen e djeshme në Londër, ku disa persona në publik mbetën të plagosur pasi u shemb catia e teatrit Piccadilly.
Në skenë po luhej vepra “Death Of A Salesman” dhe pas rrëzimit të tavanit mbi anëtarët e audiencës, evakuimi i tyre u mundësua në vetëm 20 minuta.
Si pasojë e shembjes pesë spektatorë pësuan lëndime të lehta dhe dëshmitarët treguan se dëgjuan të bërtitura nga njerëzit që ndodheshin afër vendit ku ra tavani.
Sipas policisë më shumë se 1000 njerëz të tjerë u evakuaan nga ambientet e teatrit.
