Vazhdojnë ndryshimet në sistemin e burgjeve/ Emërohet drejtori i ri i sigurisë së burgut të Drenovës

Nuk ka kaluar shumë kohë që Ministria e Drejtësisë ndryshoi pothuajse të gjithé drejtorët e burgjeve në vend, një tjetër lëvizje e rëndësishme vjen nga burgu i Drenovës.

Altin Gusho nga Pogradeci është emëruar shef i ri sigurisë së burgut në Drenovë. Ndërkaq, Agim Tafaj është transferuar në të njëjtën detyrë në burgun e Vaqarrit.

Gusho është prezantuar në këtë detyrë nga drejtori i policisë së burgjeve Bardhyl Kaçorri. Ndërsa, drejtor i burgut të Drenovës vazhdon të jetë Genci Fejzollari.