Nisi sot konferenca e parë shkencore “Inovacioni, Matemaikta dhe Teknologjia e Informacionit”, organizuar nga Universiteti Mesdhetar i Shqipërisë, në ambientet e Akademisë së Shkencave. Akademikë, Informaticienë, matematicienë dhe personalitet të tjerë të këtyre fushave ishin të pranishëm në këtë konferencë. Në fjalën e tij përshëndetëse, Rektori i Universitetit Mesdhetar të Shqipërisë, Akademik, Pr.Dr Gudar Beqiraj vlerësoi partneritetin për organizimin e kësaj konference si dhe kumtesat e studiuesve të rinj.
“Punimet shkencore që ju sillni sot këtu, janë vlerë e shtuar në fushat respektive dhe gjithashtu nxisin debatet e diskutimet në këto fusha për sfidat e mëtejshme”, u shpreh rektori i UMSH.
Konferencën e përshëndetën Akademik, Neki Frashëri, Sekretar Shkencor i Akademisë së Shkencave. Prof. Dr, Mynyr Koni, Rektor i Universitetit të Tiranës , Adrian Naço, kryetar i Shoqatës Shqiptare të Matematike. Në emër të AMA-s, z. Naço i akordoi UMSH-së edhe një çertifikatë si qendër zhvillimi të testit “Kangur”. (Test ndërkombëtar për matematikën).
Drejtoresha e projekteve në UMSH, Nevila Xhindi gjithashtu referoi në lidhje me projektin “Interreg Adrion, Future 4.0”, një nga komponentët kryesorë të së cilit është zhvillimi i inovacionit. Konferenca e cila do të vijojë nesër 23 nëntor, synon të nxisë komunikimin mes kërkuesve shkencore dhe praktikuesve të rinj të cilët punojnë në fusha të ndryshme shkencore, me interes të përbashkët në Teknologji, Matematikë dhe Inovacion.
Kjo konferencë do të bëjë bashkë, profesionistë dhe pëfaqësues të biznesit. Konferenca organizohet nga Departamenti i Informatikës dhe Formimit Shkencor në UMSH, Akademia e Shkencave,Fakulteti i Shkencave Natyrore,(UT) dhe Shoqata Shqiptare e Matematikës!
