LIGJET E BIZNESIT
Një aksident i rëndë ka ndodhur mesditën e sotme pranë zonës së mbikalimit në Çermë të Lushnjes.
Mësohet se makina tip “Audi A4” ka dalë nga rruga duke u përplasur me mbikalimin dhe si pasojë e përplasjes mjeti është shkatërruar plotësisht në pjesën e përparme.
Drejtuesja e cila ka humbur kontrollin ishte duke udhëtuar së bashku me djalin e saj.
Për fat të mirë asnjëri nga të dy nuk ka pësuar lëndime.
Gruaja është shprehur se automjetin e kishte të marrë me qira por ai kishte filluar të dridhej papritmas dhe i kishte shkaktuar humbjen e kontrollit.
Policia ka mbërritur në vendngjarje dhe po heton për zbardhjen e shkaqeve të aksidentit.
