LIGJET E BIZNESIT
Një ngjarje e rëndë ka ndodhur në një familje shqiptare në Roseto degli Abruzzi, në Teramo të Italisë. Një 16-vjeçar humbi jetën pasi pësoi arrest kardiak.
Matteo, i lindur në Itali nga prindër shqiptare, u gjet i pajetë në shtrat mëngjesin e së enjtes nga nëna e tij.
Zilja kishte rënë si çdo mëngjes, në orën 08:00. Por Matteo nuk ishte ngritur, për këtë arsye nëna e tij shkoi në dhomë për ta zgjuar. “Zgjohu, ke shkollë”, e thërriti ajo duke menduar se i biri thjeshtë donte të rrinte nën shtroja edhe pak minuta më shumë. Duke mos marrë përgjigje prej tij, iu afrua dhe vuri re se i biri nuk lëvizte.
Ambulanca nuk mundi të bënte asgjë për 16-vjeçarin. Sipas ekspertizës mjeko ligjore, Matteo vdiq nga arresti kardiak. Sipas mediave italiane, i riu nuk rezultonte të kishte probleme shëndetësore. Ai jetonte në një apartament në Viale America, me prindërit dhe motrën. Vdekja e tij e parakohshme dhe e papritur ka tronditur të gjithë qytezën ku jetonte.
Matteo, i përshkruar nga të gjithë si një djalë i qeshur dhe plot jetë, studionte gjeometri dhe ishte në vitin e tretë në Istituto Statale Superiore Vincenzo Moretti.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
