Thirrjet në stadium, Berisha: Rama në gjendje të rëndë, anulon të gjitha takimet

Pas incidentit që ndodhi mbrëmë gjatë ndeshjes Shqipëri-Francë ku tifozët brohorisnin në kor “Rama ik” në stadiumin e sapo inaguruar “Air Albania” në të cilin ishte i pranishëm dhe kryeministri, ka ardhur dhe reagimi i Sali Berishës.

Ish-kryeministri Berisha ka reaguar në rrjetet sociale me anë të një postimi duke shkruar se revolta e mijëra tifozëve që thërrisnin “Rama Ik” e ka lënë dhe sot të traumatizuar Ramën.

Ndër të tjera ai shton se për shkak të kësaj gjendjeje Rama ka anuluar të gjitha takimet dhe është mbyllur në banesën e tij në Surrel.

POSTIMI I PLOTE I ISH-KRYEMINISTRIT SALI BERISHA

Rama ndryhet ne Sarajet e Surrelit! Anullon te gjithe axheneden e sotme!

Miq, i traumatizuar nga nata e mbremshme ne stadium ku thirrjet e 20000 tifozeve Kuq e Zi i rikujtuan thirrjet e qytetareve te Bukureshtit ne dhjetor te vitit 1989 kunder diktatorit Çaushesku,Edvini ka anulluar te gjithe axhenden e dites te sotme dhe eshte ndryre ne Sarajet e Surrelit!

Nderim tifozeve Kuq e Zi qe me thirrjet e tyre “Rama ik” leshuan kushtrimin popullor per fazen perfundimtare te revolucionit demokratik per permbysjen e Edvin Mafise dhe narkoshtetit te tij. sb