Të bllokuar nën rrënoja/ Shpëtohen 22 persona në Durrës, 1900 policë në terren

Pas goditjes së tërmetit fatal 6.4 ballë mëngjesin e sotëm, punonjësit e shpëtimit, Forcat e Armatosura, Policia e Shtetit dhe banorët kanë arritur të nxjerrin gjallë 22 persona nga rrënojat e ndërtesave në Durrës, duke i shpëtuar kështu jetën.

Sipas policisë së durrësit personat e nxjerrë të gjallë nga rrënojat e banesave janë dërguar në spital për ndihmë mjekësore.

Nga ana tjetër Policia e Shtetit njofton se në total janë angazhuar 1900 forca policie në terren.

Situata paraqitet e rëndë më shumë në Durrës dhe zonat përreth ku ishte dhe epiqendra e një prej tërmeteve më të fuqishëm që ka goditur ndonjëherë Shqipërinë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern