Takimi me Ramën, anëtarja e KLP i kërkon llogari Arta Markut: Çfarë i ofruat ju qeverisë?

Teksa kërkon një mandat tjetër në këtë detyrë, kryeprokurorja Arta Marku doli përballë Këshillit të Lartë të Prokurorisë ku prezantoi punën e saj.

Gjatë fjalës së saj, anëtarja e KLP Nurihan Seiti i kërkoi llogari Markut për takimin me Ramën dhe e pyeti se cfarë i kishte ofruar ajo qeverisë.

Nurihan Seiti: Në dy vite lihen gjurmë. Fjalën e përkohshme e quajmë veç të tillë. Takimi juaj me shefin e qeverisë ishte për të dëgjuar politik të sistemit të hetimit e akuzës, pasi ju atë kohë deklaruat konfliktin e interesit me prokurorët. Çfarë i ofruat j’u qeverisë?

Nga ana tjetër Marku duke iu referuar këtij takimi është shprehur se nuk ishte raportues por një takim pune për shkak të situatës emergjente që po kalonte vendi ynë.

“Ishte koha kur opozita zhvillonte protesta të shumta, dhe u takova me Kryeministrin. Kjo ka qenë arsyeja, por jo takim raportues. Takim emergjent për shkak të situatës, kanë qenë të pranishëm dhe drejtues të institucioneve të tjera të rëndësishme si kreu i SHISH, apo i policisë së shtetit”, u shpreh Arta Marku gjatë përballjes me KLP.