Koncerti i Natës së Bardhë i planifikuar për t’u zhvilluar si cdo vit në 29 Nëntor, u anulua për shkak te tragjedisë që ndodhi ditën e 26 nëntorit, si pasojë e tërmetit të rëndë.
Por sipas një njoftimi, ky koncert do të bëhet në një tjetër datë, me një tjetër mision. Kryeministri Rama tha se së shpejti do të organizohet një koncert i madh bamirësie.
“Po përgatisim një koncert mjaft të madh i cili duhej të ishte për festat e nëntorit, tani po riformësohet. Do të jetë i shkëlqyer përsa i përket muzikës për të bërë bashkë ata njerëz që duan të dhurojnë” tha ai. Ndërkohë që kishte një kërkesë edhe për ambasadorët. “Do të doja të organizonim me dhomat tuaja të tregtisë me investuesit tuaj një takim për të bërë bashkë dicka” tha ai.
