Mbrëmjen e djeshme në stadiumin “Air Albania” ku u mbajt ndeshja “Shqipëri-Francë” e vlefshme për kualifikimet në kampionatin Europian, ndodhi një episod aspak i zakontë.
Përpara se të fillonte ndeshja stadiumi u ndez nga brohoritjet në kor të tifozëve “Rama ik” drejtuar kryeministrit i cili ishte gjithashtu i pranishëm aty.
Teksa asnjë kamera nuk arriti të fiksonte reagimin e tij, ai që nuk i ka shpëtuar kjo pamje është ish-kryeministri Sali Berisha.
Berisha ka publikuar një foto të Ramës në stadium dhe shkruan se gjatë momentit që tifozët kuq e zi brohorisnin në kor, kreu i qeverisë u struk.
“Edvin Mafia e pesoj si Çaushesku.Ai struket i tmerruar kur stadiumi çahej dhe ushtonte nga thirrjet e 20000 tifozeve “Rama Ik” duke perseritur thirrjet e rumuneve per Çausheskun ne dhjetor te vitit 1989. Nderim Tifozeve Kuq e Zi! E tmerruan Zografin Bis!! Sb”, shkruan Berisha në përshkrimin e fotos.
