Pas përplasjeve dhe tensioneve të shumta paraditen e sotme në zonën e Unazës së Re ku ka vijuar aksioni për shembjen e banesave, Spitali Universitar i Traumës ka dhënë informacion zyrtar për gjendjen e personave të plagosur.
Ky spital mohon faktin që ka edhe persona që kanë humbur jetën, ndryshe nga sa u deklarua dhe ndër të tjera thuhet se asnjë prej të plagosurve nuk është në rrezik për jetën.
“Spitali Universitar i Traumës bën me dije se aktualisht po marrin shërbim 12 persona, nga të cilët 5 efektivë policie dhe 7 protestues, të lënduar në zonën e Astirit. Asnjë prej personave të lënduar nuk është në rrezik për jetën. Spitali është në gatishmëri të plotë”, thuhet në njoftim.
