Skandali/ Radhë të gjata për biletat në ndeshjen Shqipëri-Francë, tifozët detyrohen të blejnë edhe biletën për ndeshjen me Andorrën

Ndeshja Shqipëri-Francë po pritet me padurim nga tifozët kuq e zi edhe për faktin se do te luhet në stadiumin e ri Arena Kombëtare.

Prej të premtes pasdite kanë filluar të shiten biletat e ndeshjes inauguruese të stadiumit Arena Kombëtare mes Shqipërisë dhe Francës. Por sot për të blerë një të tillë tifozët sportdashësit duhet të presin të paktën dy orë. Ky është shqetësimi i parë, ndërsa i dyti është akoma edhe më alarmant.

FSHF ka menduar se kushdo që dëshiron të shohë Shqipëri-Francë duhet të blejë edhe biletën e Shqipëri-Andora, e cila luhet në Elbasan Arena dhe sipas federatës ka shumë pak interes.

Tifozi 1: “Më ka ikur zari, nuk mund të them asgjë. Më skandal se kaq nuk ka ku shkon më.”

Tifozi 2: “Nuk e kuptoj që sot edhe për ndeshje futbolli duhet të mbash rradhë. Shqiptarët qenkan mësuar vetëm të rrinë në radhë. Çështja tjetër që është më shhqetësuesja dhe më absurdja është se të shohësh Shqipëri-Francë je i detyruar të shohësh edhe Shqipëri-Andorë. Si mund t’I shohësh të dy ndeshjet kur s’ka lek. Është e vërtetë ajo që tha zyrtari i FSHF-së që futbolli nuk qenka për hallexhinjtë.”

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern