LIGJET E BIZNESIT
Gjykata e Gjirokastër ka dënuar sot me 3 vjet e 6 muaj burg mësuesin Neshat Tepelena, i cili akuzohet për ngacmim seksual të një nxënëseje të mitur në Sarandë.
Neshat Tepelena ra në prangat e policisë pas akuzave publike që bëri familja dhe vetë vajza e mitur.
Denoncimi publik ndaj tij u bë në prill të vitit 2018. Ku 62-vjeçari me profesion mësues u denoncua publikisht nga nxënësja e tij në shkollën 9-vjecare “Ali Hajdini” në fshatin Kalasë të Delvinës.
Sipas vajzës mësuesi i bënte presion për notën dhe më pas e kishte puthur në buzë.
“Isha bashkë me një shoqe dhe po pastronim shkollën. Duke pastruar, më thotë mësuesi: Lerja leckën shoqes dhe hajde pak në klasë. Më tha,- Kur ta bëja me shenjë, përse nuk dilje jashtë? E pyeta – pse të dilja? Po nuk dole më, do të të vë 4,- tha ai dhe më puthi. Unë ika”, rrëfeu asokohe nxënësja.
Më pas ky skandal u mbajt i fshehtë për dy muaj për shkak të paragjykimeve.
Fillimisht ishte nëna ajo që bëri publik rastin, pasi u përball me refuzimin e së bijës për të shkuar në shkollë.
