‘S’jam p.rostitutë dhe as kam shfrytëzuar njeri’ zbardhet dëshmia e Zogut të Tiranës: Gjithçka e bënim me dëshirë

Një ditë pas arrestimit të tij nga policia, është zbardhur dëshmia e moderatorit Hermes Nikaj, i njohur ndryshe edhe me pseudonimin “Zogu i Tiranës”.

Ai akuzohet për shfrytëzim prostitucioni pasi dyshohet se gjente vajza nëpër klube nate dhe qendra estetike dhe i siguronte atyre klientë për të kryer marrëdhënie seksuale kundrejt pagesës.

Ndërkohë përpara hetuesve 28-vjeçari Nikaj ka mohuar kategorikisht këto akuza duke thënë se as nuk e ushtronte vetë prostitucionin dhe as nuk shfrytëtonte njeri dhe se gjithçka ka ndodhur me dëshirë.

“Nuk kam ushtruar prostitucion dhe as kam shfrytëzuar njeri për prostitucion. Gjithçka ka ndodhur kundrejt dëshirës jo kundrejt lekëve. Duke qenë se jam i njohur kisha më shumë kontakte dhe ua prezantoja mikeshave të mia dhe i ndihmoja të shkonin në hotel,” deklaroi ai në polici.

Kujtojmë se Hermes Nikaj u arrestua së bashku me një 47-vjeçar nga Kurbini në një hotel në autostradën Tiranë-Durrës.

Rrjeti i prostitucionit u zbulua pas një përgjimi të policisë që ka zgjatur rreth 1 vit.

Bëhet me dije se Nikaj siguronte vajza për kliente të ndryshëm që varionte tarifa nga 10 mijë lekë deri në 20 mijë lekë për dy orë.

Baza ishte një qendër estetike e drejtuar nga një 43-vjecare, e  cila dhe ajo arrinte të gjente gjithashtu vajza për klientë.

Fillimisht ato punësoheshin si kursante në qendrën estetike dhe më pas nisnin punën si prostitute.

Për disa prej tyre grupi merrte deri në 700 euro nata.

Policia procedoi në gjendje të lirë dhe dy vajza të tjeera të moshës 20 dhe 32 vjeç.