Situatë dramatike në Durrës, shembet ndërtesa 6 katëshe, ka persona nën rrënoja (FOTO)

Si pasojë e lëkundjeve të forta që tronditën vendin tonë mëngjesin e sotëm, raportohet se një godinë 6 katëshe është shembur totalisht në Golem të Durrësit.

Mësohet se nën rrënoja ka persona të bllokuar.

Në këtë gjendje emergjente, policia ka mbërritur në vendngjarje, ku po ndihmohet nga banorët dhe nga një fadromë për të hequr inertet.

Të paktën një prej personave ndodhet i bllokuar nën rrënoja, dhe ka arritur të komunikojë me familjarët të cilët ndodhen jashtë të shqetësuar.