Një 35-vjeçar shqiptar ka rënë në prangat e policisë greke në qytetin Volos. Ai u arresua pasi ka rrahur me grushta gruan dhe vajzën e tij adoleshente.
Dhuna filloi gjatë një krize nervore të shqiptarit, i cili nisi të qëllonte gruan, duke bërë që e bija adoleshente të ndërhynte për të mbrojtur të ëmën.
Pasi u dhunua nga i ati 13-vjeçarja ka arritur që të thërrasë për ndihmë Policinë në një moment shpërqendrimi të 35-vjeçarit.
“Unë do të vras ty dhe fëmijët,”- ka thënë shqiptari kur është larguar nga Policia.
Gjykata vendosi ta lërë të lirë shqiptarin duke marrë parasysh kushtet e tij shëndetësore.
Sipas vendimit të gjykatës, 35-vjeçari nuk duhet t’i afrohet banesës së tij deri në gjykimin përfundimtar.
