Shqipëria mbetet “pa stadium”/ UEFA heziton të japë dritën jeshile

Megjithëse shanset e Shqipërisë për të qenë pjesëmarrëse në Euro 2020 tashmë thuajse janë shuar, kombëtarja jonë do të luajë edhe dy ndeshjet e fundit kualifikuese, të përcaktuara në kalendar.

Ekipi ynë përfaqësues luan ndeshjen e parë ndaj Andorrës, ndërsa të dytën me Francën. Pikërisht ndeshja me Francën ka ngjallur interes tw madh tek tifozwt e Kombëtares përballë kuqezinjve janë kampionët e botës në fuqi.

Gjasat janë që ndeshja mes Shqipërisë dhe kampionëve të botës të zhvillohet në “Arena Kombëtare”, mirëpo stadiumi i kryeqytetit i sapondërtuar ende nuk ka marrë dritën jeshile nga UEFA. Në axhendën e dy ndeshjeve të fundit në “Euro2020”, UEFA ka bërë publike të gjithë stadiumet ku do të luhen takimet, përjashtim bën vetëm Shqipëri-Francë, ndeshja kjo e vetme e lënë pa stadium.