Pas vendimit të Komisionit Qendror të Zgjedhjeve që shkarkoi kryebashkiakun e Vorës Agim Kajmaku, ka ardhur dhe reagimi i kryetarit të Partisë Demokratike Lulzim Basha.
Basha u shpreh se Agim Kajmaku është fytyra e Edi Ramës, pasqyra se me kë ai qeveris.
Ai shtoi se ky është një poshtërim për Partinë Socialiste në rradhë të parë e cila nxjerr llumin e llumit por edhe për shqiptarët që në botë shkëlqejnë, ndërsa në vendin e tyre qeverisen nga trafikantë dhe kriminelë.
“Poshtërim për PS në radhë të parë, nga e cila nuk nxjerr dot kandidatë të painkriminuar, të padënuar por nxjerr llumin e llumit por është edhe një poshtërim edhe për shqiptarët që shkëlqejnë kudo në botë por në vendin e tyre qeverisen nga kriminelë, trafikantë nga hajdutë, nga të korruptuar që e kanë vendin në burg e jo në qeverisje. Për këdo që ka pasur dyshime dhe ka menduar se 2013, 2015, 2016, 2017 apo 2019 janë rastësi tani ka të gjitha provat që ka qenë një skemë e mirëmenduar e Edi Ramës për t’i dorëzuar pushtetin krimit. Prandaj qeveris me krimin dhe e mban pushtetin me krimin. Zgjidhja e vetme është që t’ia kthejmë qeverisjen shqiptarëve.
T’ia kthejmë parlamentin shqiptarëve me zgjedhje të parakohshme parlamentare, me një qeveri kujdestare që do të garantojë votën e tyre, ju faleminderit”, deklaroi kreu i PD.
