Serbia u trembet shqiptarëve, flet Vuçiç: Albin Kurti do Shqipërinë e Madhe, do të bëjë marshim

Presidenti Aleksandër Vuçiç ka dhënë një intervistë për median franceze “Le Figaro” ku edhe ka folur për aktualitetin politik në rajonin e Ballkanit Perëndimor.

I pyetur për takimin e fundit me presidentin e Kosovës Hashim Thaçin, i organizuar nga kreu i shtetit të Francës Emanuel Macron, Vuçiç tha se nuk ishte person tejet optimist.

“Ne vazhdimisht po përpiqeshim të gjenim një zgjidhje kompromisi, por pala e Prishtinës nuk shqetësohej aspak, sepse vetëm dëshiron të apelojë opinionin e saj publik. Ata duan që Serbia të njohë pavarësinë e Kosovës, dhe si kthim Serbia nuk do merrte asgjë,” tha Vuçiç.

Më pas Vuçiç komentoi edhe idenë e demarkacionit, të cilën kreu i shtetit e mohoi se e kishte mbështetur. Gazetarja e “Figaro” u interesua gjithashtu edhe për Shqipërinë e Madhe për të cilën Vuçiç u shpreh se shqiptarët ende e aspironin.

“Ata thjesht e dëshirojnë. Ndonjëherë ata do të thoshin se do të bashkoheshin nën çatinë e BE-së, por kurrë nuk kanë hequr dorë nga ajo ide. Shikoni Albin Kurtin që fitoi zgjedhjet. Pas tij nuk ka asnjë flamur të Kosovës por vetëm të Shqipërisë. Të gjithë ambasadorët ulën në atë ambient me të dhe nuk shqetësohen aspak,”– tha Vuçiç.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Vuçiç tha se që nga lufta e vitit 1999 me Serbinë, shqiptarët kanë përdorur imazhin e tyre të mirë, të krijuar nga propaganda e NATO-s, për të arritur qëllimet e tyre.

“Ata kanë krijuar interesa të reja kombëtare që synojnë mbizotërimin në Ballkan. Kështu, 28 Nëntori është festa kombëtare e Shqipërisë, Kurti ka njoftuar se do të shkojë drejt Tiranës duke sulmuar Edi Ramën,  pasi Kurti kundërshton politikën e bashkëpunimit në Ballkan të Kryeministrit shqiptar.”

Edhe mini-Shengeni nuk ka mbetur jashtë bisedës me gazetaren franceze, në të cilën Vuçiç shprehet shumë i lumtur që merr pjesë.

“Unë i jam mirënjohës kryeministrit shqiptar Edi Rama dhe atij të Maqedonisë së Veriut, Zoran Zaev që iniciuan bashkë me mua projektin e Mini Schengen-it, i cili ka si synim lëvizjen e lirë mes vendeve të Ballkanit” tha Vuçiç.

Marrë nga Le Figaro