Deputetja e opozitës, Rudina Hajdari ka folur rreh kërcënimeve në adresë të saj, të denoncuara disa ditë më parë. Në një intervistë për News 24, ajo ka deklaruar se “ndihet më e qetë”.
“Ndihem më e qetë, por nga ana tjetër mendoj se ishte e rëndësishme që Kuvendi të ishte në dijeni për këto kërcënime që erdhën, edhe është në të mirën e të gjithëve si edhe të deputetëve të tjerë që ne të kemi masa më të sigurta në zyrat e Kuvendit të Shqipërisë”, deklaroi Hajdari.
E pyetur lidhur me masat e sigurisë dhe survejimin gjatë gjithë kohës, deputetja deklaroi se është fare normale që të ketë masa sigurie më të forta për ata që janë brenda Kuvendit.
“Nuk jam e survejuar gjatë gjithë kohës. Nuk duhet t’ju vijë çudi keni deputetë apo kryetarë partish që survejohen gjatë gjithë kohës me 3-4 truproja dhe kjo është një koncept i gjithë pranuar në Shqipëri. Kjo është thjesht për ambientet e Kuvendit, jo për mua si Rudinë, po është për stafin e Kuvendit dhe deputetët që janë brenda atij Kuvendi, të kenë një masë sigurie më të fortë, dhe kjo është fare normale mendoj”, u shpreh deputetja.
