LIGJET E BIZNESIT
Pas nxjerrjes së 11-vjeçarit shqiptar Alvin Berisha nga kampi në Siri Al-Hol, ka ardhur dhe reagimi i kryeministrit Edi Rama.
Rama publikon një foto të vogëlushit me ministrin e brendshëm Sandër Lleshaj dhe nuk e fsheh entuziazmin.
ALVINI PO KTHEHET NË SHTËPI
- Pas një jave në kufirin sirian, së bashku me një skuadër speciale të policisë sonë dhe në bashkëpunim të ngushtë me partnerët italianë, ministri ynë i brendshëm po përcjell në këtë moment Alvinin në ambasadën italiane në Beirut, prej ku vogëlushi shqiptar do të pajiset me dokumentat e nevojshme e do të fluturojë drejt babait në Romë
- Një falenderim i veçantë për kryeministrin Giuseppe Conte, i cili u angazhua personalisht në ndjekjen e operacionit për palën italiane
- Faleminderit edhe dy organizatave humanitare që u bënë pjesë jetike e këtij operacioni tejet kompleks e të rrezikshëm, pa harruar konsullin e nderit të Shqipërisë në Liban, që luajti një rol të pazëvendësueshëm
- Por për ne, përpjekja nuk mbyllet këtu, sepse fëmijë e gra nga Shqipëria vazhdojnë të jenë peng në kampin-burg prej ku arritëm të nxjerrim Alvinin…”, shkruan Rama në rrjetet sociale.
