Qytetarët revoltohen, Rama detyrohet të mbyllë takimin në Kombinat

Zona e Kombinatit është një nga zonat më të prekura nga tërmeti në Tiranë. Kryeministri bashkë me Erion Veliajn kanë inspektuar këtë zonë mëngjesin e sotëm.

Duke qenë se u përball me një revoltë dhe padurim të jashtëzakonshëm nga ana e banorëve, Rama u detyrua që të ndërpriste takimin, me pretendimin se kishte njerëz që kishin edhe më shumë nevojë për të, ndërsa iu përmendi banorëve, dhe vdekjen, që mund ta gjenin nga shumë arsye të tjera përveç tërmetit.

“Po ti c’do, ne jemi për pallatet këtu. Ti dhe unë katunari që i kemi njëkatëshe, një vrap i kemi e dalim, edhe pse une nuk lëviz fare nga krevati, le të bjerë tërmet. Është e shkruar kjo xhan, i ikën tërmetit e gjen te rruga, del aty, fap rrëshket te lëkura e portokallit”, tha më tej Rama.