“Punonim ditë natë kur s’kishte shtet, por kurrë nuk pashë pamje të tilla” flet ish-drejtori i IKMT: Sot ndiej keqardhje për banorët dhe policinë që u përballën me tmerrin

Në lidhje me situatën e tensionuar sot në Unazën e Re, ku banorët janë përplasur me policinë dhe IKMT për të mbrojtur banesat nga shembja, ka reaguar edhe ish-drejtori i IKMT, inxhinier Erion Softa.

Ai shkruan në rrjetet sociale se ndihet i keqardhur për banorët, që të gjendur në situata të tilla, detyrohen të bëjnë vepra penale të rënda dhe shton se ndihet edhe pranë Policisë së Shtetit dhe forcave të IKMT që po përballojnë këtë situatë tmerri.

Softa thekson se as në kohën që nuk kishte shtet edhe punohej pa mjete dhe urdhra partie, por me profesionalizëm , nuk ka parë kurrë pamje të tilla.

Sipas tij, fajtore për këtë situatë është vetëm politika që e solli gjendjen në këtë ditë.

REAGIMI I PLOTE I ISH-DREJTUESIT TE IKMT ERION SOFTA

Kam drejtuar aksione per prishjen e mijra ndertimeve pa leje.
Atehere kur shtet nuk kishte.
Ateher kur punonim nate e dite pa polici,pa mjete por me profesionalizem dhe pa urdhra partie.
Por kurre nuk pashe pamje te tilla.
Sot ndjehem i keqardhur per ata qindra banore qe situata i ben te lendohen dhe te bejne vepra penale te renda por dhe prane Policise se Shteti dhe forcave te IKMT qe perballojne nje situate tmerri .
Faji i takon politikes qe e solli ne kete dite .