“Prita të më ftonte, por nuk e bëri”, tenori i zhgënjyer nga Ardit Gjebrea, moderatorja i del në mbrojtje

Spektakli që do të hapte stadiumin e ri “Air Albania” i’u besua Adit Gjebreas. Mes këngëtarëve të tjerë ai kishte përzgjedhur Juliana Pashën për të kënduar himnin kombëtar.

Por kjo nuk është pritur mirë nga tenori Kastriot Tusha. Ky i fundit, është shprehur sot në “Procesin Sportiv” se e priste një ftesë nga Ardit Gjebrea dhe se performancën e himnit e priste ndryshe:

“E prita një ftesë nga Ardit Gjebrea, për të kënduar himnin kombëtar në stadium sepse mora vesh që ai ishte organizatori. Po mesa duket ai nuk e pa të arsyeshme.
Gjithsesi edhe Juliana Pasha bëri një performancë të shkëlqyer. Por duhet thënë se himni është diçka emocionuese. Duhet të të motivojë. Kur këndoja himnin më parë, ktheja kokën nga futbollistët. Ndoshta s’dinin të gjitha fjalët, por ama nxirrnin disa zanore.
Unë e kisha imagjinuar ndryshe. Me 10 tenorë”, u shpreh tenori shqiptar i cili këndoi live himnin shqiptar më hapjen e emisionit të “Procesit Sportiv”.

Ka qenë moderatorja Ilda Bejleri ajo që i ka dalë në mbrojtje tenorit duke u shprehur se Kastrioti e ka kënduar gjithmonë himnin dhe të mos e këndojë në përurimin e stadiumit, ka mëse të drejtë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern