LIGJET E BIZNESIT
Eduart Ndocaj tashmë nuk është më pjesë e parlamentit.
Ish-deputeti i cili është cilësuar shpesh edhe me pseudonimin “Kaubojsi” për shkak se mbante vazhdimisht kapelen në kokë, së fundmi ka vendosur të kthehet pas në kohë.
Si shumë shqiptarë që vendosën të lënë vendin në fillim të viteve 90’ edhe ai ishte pjesë e turmës.
Ndocaj ka vendosur të zbulojë se si e ka kaluar kufirin drejt Italisë bashkë me familjen por me dokumenta false.
Këtë fragment, Ndocaj ka vendosur ta hedhë edhe në një libër që ka shkruar.
Të gjitha këto u zbuluan gjatë spektaklit “Dance ëith me” të kërcimit, ku ish-deputeti kaubojs merr pjesë si konkurent.
Moderatorja Alketa Vejsiu ka lexuar edhe një pjesë nga libri në studio.
“Falë dhe dokumenteve që arrita të siguroja për nusen, vendosëm dhe u nisëm drejt Italisë. Zonja ime udhëtonte me dokumentet false. Ishim unë, nusja ime, motra dhe djali i saj Paolo. Arritëm të nesërmen në Bari dhe policia na kontrolloi me imtësi. Por mua po më pushonte zemra nga frika, por u përmbajtja dhe mos transmetoja jashtë asnjë emocion policit. Policia Kufitare Italiane është psikolog i mirë, të gjithë janë psikologë shumë të zotë dhe studiojnë çdo lëvizje, qoftë dhe lëvizjen e buzëve apo mënyrën si lëvizin qerpikët. Dhe kështu po përpiqesha të mos transmetoja asnjë emocion për të mos u lënë asnjë lloj dyshimi. Ia hodhëm, kaluam me dokumente false”, shkruan Eduard Ndocaj në librin e tij.
