LIGJET E BIZNESIT
Ditën e djeshme gazetarja Mira Kazhani komentoi protestën e banorëve të Unazës së Re në Tiranë ku shkroi se nuk gjeti mbështetje në mase ashtu si ndodhi me rastin e studentëve.
“Astiri ishte një protestë që nuk gjeti mbështetje në masë, siç ishin studentët e vitit të shkuar. Në kauzë dhe në formë dështoi duke ngjallur antipati tek qytetarët e tjerë. Një fotografi e Shqipërisë 30-vjeçare të keqpërdorur.
Si gazetare, nuk vajtova kurrë për Astirin, sepse do të ishte ofendim dhe poshtërim për modelin e mijëra të tjerëve, që nuk qenë kaq ‘të zotë’ dhe ecën sipas rregullave, jo se ka pasur e kemi shumë , por aq sa janë, janë meritë e njerëzve të hajrit dhe jo qeverive”, shkruajti Kazhani.
Menjëherë pas këtij artikulli, ka reaguar edhe aktori Julian Deda duke shkruar në rrjetet sociale një status ku shprehej se gazetares i duhej patjetër një “burrë” që të qetësohej.
“Kësaj gazetaruces populiste, që protesta e banorëve të Astirit i duket dështim, gjejini një burë të qetësohet, se gjynah..!” shkruajti Deda.
Por Mira Kazhani nuk e ka lënë me kaq, pasi ka zgjedhur të reagojë përsëri për statusin e Julianit.
“I dashur Juli. Është e vërtetë që nuk kam akoma një burrë. Mesa po shof, as gruaja jote nuk ka.”, shtoi gazetarja duke e thumbuar keq Dedën.
