LIGJET E BIZNESIT
Prej kohësh nuk mungojnë përplasjet në Partinë Socialiste të Shkodrës.
Mesa duket situata sa vjen e po përkeqësohet pasi dita ditës po shtohen edhe figurat e pakënaqura.
Një nga ngjarjet që ka nxjerrë në pah këtë fenomen, janë dhe votimet e ditës së djeshme për të zgjedhur delegatët e kongresit të Partisë Socialiste.
Së fundmi, njëri prej anëtarëve të Këshillit Bashkiak në Shkodër ka dalë haptazi kundër Partisë Socialiste.
Ai është Elson Çeliku, i cili shkruan se përzgjedhja e kandidatëve ishte një lojë e papqlyeshme.
Sipas tij kjo parti po kalon ndonjë furtunë që nuk ishte parë ndonjeherë dhe se votimi ishte fals dhe askush nuk e dinte se kush do të ishin kandidaturat duke mos respektuar bazën.
REAGIMI I PLOTE I KESHILLTARIT ELSON ÇELIKU
Kam pritur me kureshtje procesin e zgjedhjeve për delegatët e kongresit të PS Shkodër jo vetëm për faktin se partia po kalon një fortunë që nuk kishte ndodhur ndonjëherë por edhe për të parë se deri ku shkon lukunia e atyre që historia do ti skarcojë si persona që nuk sollën asgjë edhe pse ‘’u munduan aq shumë’’ Që nga momenti i parë kur nisi procesi për kandidaturat për zgjedhjet për delegatët filloi një lloj lojë e papëlqyeshme në përzgjedhjen e emrave që do të kandidonin.
Në fakt u tha se këta kandidatura do të jenë më të përzgjedhurit por në fakt për disa prej emrave kjo nuk rezultoi e vërtetë. Deri në çastin e fundit askush nuk e dinte se kush do të ishin kandidaturat duke mos respektuar bazën. Disa emra të tjerë që duhej të ishin pjesë e listës së kandidaturave u përjashtuan duke e zbehur që në fillim këtë proces por edhe duke treguar qartazi se nuk është gjë tjetër veçse një proces votimi fals dhe i paracaktuar pothuajse me dërgimin e delegatëve përmes metodave antidemokratike.
