LIGJET E BIZNESIT
Zv.ministri Artan Shkreli ka qenë i ftuar mbrëmjen e sotme në emisionin “Opinion”. Gjatë fjalës së tij ai u shpreh se prishjet e objekteve në zonën e Astirit do të vazhdojnë pasi ato pengojnë zhvillimin e zbatimit të projektit të Unazës së Re.
Sipas tij në total zbatimi i projektit prek 240-250 objekte, nga të cilat 140 do të shpronësohen.
“Pjesa më e madhe nga 33 godinat që u prishën, ishin dakordësuar, janë shpronësuar.
Aksioni do vazhdojë dora-dorës. Fillimisht është loti i parë, është edhe pjesa që bën bllokimin më të madh me hyrje-daljen nga Tirana. Po mendohet lehtësimi i trafikut dhe pastaj do të vijojë me dy lotet e tjera. Në total janë 240-250 shtëpi. Rreth 140 do të shpronësohen. Të tjerat, nuk e di si do të shkojë procesi i tyre, sepse nuk kanë paraqitur dokumentacion.
Qeveria është në plotësim të detyrave Kushtetuese dhe ligjore. Nuk mund të dalim kundër ligjit. Procesi i bërjes së Unazës, ka kaluar gjithë fazat ligjore“, u shpreh Artan Shkreli.
