Përhapi lajme të rreme që shkaktojnë panik, arrestohet 25-vjeçarja nga Durrësi (EMRI)

Antiterrori ka vënë në pranga sot një 25-vjeçare nga Durrësi pasi dyshohet se ka përhapur lajme të rreme në rrjetet sociale që shkaktojnë panik.

“Merrni plackat e ikni me urgjencë. Eshtë çarë hidrovori në Porto Romano dhe do shpërthejnë depozitat e gazit”., ka shkruar ajo.

Sipas njoftimit zyrtar, mësohet se Xhuliana Aliaj, ka postuar nga profili i saj në rrjetin social, në linkun: https://www.facebook.com/xhulja.aliaj, shkrime me përmbajtje të rreme dhe jo të vërteta, duke kryer kështu përhapje të panikut nëmërmjet efekteve të këtyre lajmeve.

Në këtë kuadër, Drejtoria e Antiterrorit arrestoi në flagancë shtetasen Xhuljana Aliaj, 25 vjeçe, lindur dhe banuese në Durrës, e dyshuar për kryerjen e veprës penale “Përhapja e informatave të rreme që ngjallin panik”.

Drejtoria e Antiterrorit në bashkëpunim me strukturat e tjera të specializuara në Policinë e Shtetit kanë evidentuar edhe raste të tjera për të cilat në bashkëpunim me Prokuroritë e rretheve përkatëse po vijon me procedimet penale dhe për çdo rast do informohet media e publiku.

Policia e Shtetit apelon edhe njëherë për të gjithë qytetarët që të mos bien pre e mashtrimeve të lajmeve që shpërndahen në rrjete sociale, të cilat krijojnë panik dhe fton cilindo që has në të tilla njoftime paniku të njoftojë menjëherë Policinë e Shtetit në numrin 112, apo në Komisariatin Dixhital.