Përgjaken rrugët e Italisë, shqiptari humb jetën në aksidentin fatal (EMRI)

Një aksident i rëndë me pasoja tragjike është  shënuar mbrëmjen e djeshme në Itali.

Ngjarja ka ndodhur në zonën Usmate Velate në Monza, ku si pasojë e përplasjes së dy automjeteve ka humbur jetën një i ri shqiptar dhe është plagosur një tjetër.

Mësohet se shqiptari është identifikuar si Jetmir Isufi, 26 vjeç, i cili jetonte në shtetin fqinj prej vitesh.

Sipas asaj që raportojnë mediat italiane i riu u transportua me urgjencë drejt spitalit por nuk mundi t’i mbijetonte plagëve të marra.

Ende nuk dihen shkaqet e aksidentit fatal por policia dhe grupi hetimor po punojnë për zbardhjen e plotë të rrethanave të ngjarjes.