LIGJET E BIZNESIT
Plot 18 ditë pas atentatit që ndodhi më 1 nëntor në mbikalimin e Shkozetit ku mbeti i vrarë shoferi Andi Maloku, mësohet se prokurori Arjan Ndoja dhe i plagosuri Landi Muharremi ose “Rrumi” kanë dalë dje nga spitali i Durrësit.
Mësohet se Ndoja shoqërohej nga familjarët e tij dhe ka shkuar në shtëpi me makinë private ndërsa Landi Muharremi është transportuar me ambulancë për në banesën e tij.
Sipas mjekëve, prokurori Ndoja nuk kishte më probleme shëndetësore, ndërsa Landi Muharremi ishte në gjendje pak më të komplikuar pas plumbit që mori në nofull dhe këkonte një trajtim më të specializuar.
Burimet kanë bërë të ditur se prokurorët e Krimeve të Rënda kanë marrë disa herë në pyetje të dy të plagosurit, Arian Ndoja dhe Aleksandër Laho, të cilët vazhdojnë t’u qëndrojnë deklaratave ta dhëna më parë, duke theksuar se nuk kanë asnjë konflikt të hapur me asnjë person dhe mbi të gjitha me të arrestuarin e vetëm, Redian Rraja.
